Kriza e rezultateve që ka kapur Liverpool-in në javët e para të kampionatit anglez nuk ka ndikuar në ndeshjen nraj Manchester City-t. Skuadra e Klopp fitoi me rezultatin e ngushtë 1-0 duke lënë “Anfield”-in me shijen e fitores. Goli i vetëm i takimit u shënua nga i përhershmi Mohamed Salah në minutën e 76-të, i cili mori një top nga Alisson dhe duke dribluar mbrojtësin e fundit të City-t gjeti rrjetën.
Në të 53-tën Foden-it iu anullua një gol me anë të teknlogjisë VAR për shkak të një faulli te shkaktuar. Protagonizmi vazhdoi dhe jashtë fushës, teksa pas një debati të ashpër me arbitrin, Jurgen Klopp u ndëshkua me kartonin e kuq. Ndërkohë që Manchester City ka krijuar varësi nga Erling Haaland, ku nëse ky i fundit nuk shënon skuadra ndodhet në mjaft vështirësi./Elio Hajdari-Sport Ekspres/
Le contrôle de Salah c’est du MIEEEEEEEL pic.twitter.com/UkOGrvIDp4
— B (@JackyBooooy) October 16, 2022