Tirana ka krenuar gjithë tifozët shqiptar mbrëmjen e sotme, teksa kanë eliminuar kundërshtarin e parë në Champions League. Bardheblutë mundën pastër 2-0 Dinamon e Tbilisit, duke siguruar kualifikimin në raundin e dytë, aty ku i pret një rival i fortë si Crvena Zvezda.
Por pas këtij kualifikimi të merituar e ka radhën festa, e cila është mëse legjitime në një moment të tillë. Të gjithë lojtarët së bashku me stafin janë “çmendur“ në dhomat e zhveshjes. Çdo kush duke kërcyer dhe duke kënduar në kor për të festuar vazhdimin e rrugëtimit në Europë. E një momenti të tillë të ndarjes së gëzimit dhe emocioneve nuk i ka shpëtuar as Egbo, që ka lënë mënjanë seriozitetin dhe i është bashkuar grupit./Halit Delibashi-Sport Ekspres/