Anis Mehmeti është një talent i madh i Shqipërisë. Lojtari ynë debutoi dje me Bristol City në Championship si titullar dhe i befasoi të gjithë kundër Wigan. Një asist mbreslënës u dhurua në golin e vetëm të Bristol, por njëkohësisht fati i mohoi ndoshta golin e karrierës.
Nga krahu i majtë, Mehmeti tentoi portën mes spektaklit dhe distancës. Sfera do të ndalej nga shtylla që i tha “JO” festës së futbollistit të Kombëtares. Padyshim që duke parë veprimet e tij me topin, asnjë lojtar tjetër shqiptar nuk ka aftësitë e Anis Mehmetit dhe Sylvinjo duhet të nxitojë për të. /Sport Ekspres/