Shqipëria U-16 ka zhvilluar një tjetër test miqësor me Italinë U-16. Vetëm dy ditë më parë kuqezinjtë u mundën me shifrat 1-5 në Air Albania, pavarësisht se kaluam të parët në avantazh. Por në ditën e sotme historia ishte dhe më e keqe.
Në Elbasan Arena u zhvillua miqësorja e dytë që u mbyll me fitoren e Italisë në shifrat 0-6. Italianët shënuan 3 gola në pjesën e parë dhe 3 gola të tjerë në pjesën e dytë. Bulku provoi në këto takime lojtarët e datëlindjes 2007-2008 që nuk dhanë asnjë përgjigje të mirë. /Sport Ekspres/