Kyle Walker është bërë objekt bisede në rrjetet sociale. Shkak është bërë rivënia anësore e ekzekutuar prej tij në minutën e 35 gjatë ndeshjes së djeshme kundër Chelsea-t. Mbrojtësi i Manchester City-t gjendet pas vijës kufizuese për të hedhur me duar topin në lojë. Pranë tij shkon Bernardo Silva për të kërkuar topin, por veprimi i Walker-it e kap në befasi.
Mbrojtësi anglez tmerron shokun e skuadrës, teksa hedh topin me forcë të madhe në drejtim të tij. Distanca ishte mjaft e afërt dhe Bernardo Silva ulet përtokë për të shpëtuar kokën e tij nga përplasja e fortë e topit. Ky veprim i Kyle Walker-it është përfolur gjatë mes tifozëve, të cilët nuk e kuptojnë arsyen përser mbrojtësi në fjalë duhej të shtynte topin me një forcë të tillë./Sport Ekspres/
What did Bernardo Silva do to upset Kyle Walker ?pic.twitter.com/c1Dt3xhE4u
— SPORTbible (@sportbible) January 5, 2023