Samsunspori e ka përfunduar kampionatin në vendin e 3-të të renditjes. Skuadra turke ka mposhtur Kajserisporin në ndeshjen e fundit të kampionatit me shifrat 2-1. Një përmbysje dramatike për Samsunsporin, që shënoi dy herë përkatësisht në minutat 95 dhe 98.
Goli i fundit mban autorësinë e një futbollisti shqiptar. Bëhet fjalë për Arbnor Mujën. Lojtari i Kombëtares kuqezi vulosi fitoren e skuadrës së tij, e cila e përfundoi kampionatin sipër Beshiktashit, në pozicionin e 3-të të tabelës së renditjes./Sport Ekspres/