Vitin e kaluar, Kyrian Nëabuze ishte lojtari kryesor për Laçin, ku arriti te shënojë një numër të lartë golash për kurbinasit. Edhe në sezonin 2020/2021, 28 vjeçari ka arritur të shënojë 7 gola, ku i fundit ishte ditën e djeshme përballë Vllaznisë. Megjithatë pavarësisht formës së mirë tek klubi verior, mediat shqiptare folën për një largim të tij në Kosovë tek Gjilani.
“IndeksiOnline” ka kontaktuar drejtpërdrejtë drejtorin sportiv të Gjilanit për të konfirmuar thashethemet e fundit, por ky i fundit u shpreh se nuk ka asnjë kontakt me palët. “Ne nuk kemi kontaktuar me lojtarin e as me përfaqësuesit e tij. Asnjë interesim nuk kemi shprehur për të. Kemi mjaftueshëm lojtarë për të vazhduar kampionati”, tha Robelli. /Elio Hajdari-Sport Ekspres/