Kombëtarja U-19 e femrave e drejtuar nga trajneri Nevil Dede, do të fillojë sot grumbullimin e radhës në qytetin e Elbasanit, njofton Federata Shqiptare e Futbollit. Futbollistet e reja do të jenë në këtë stejxh stërvitor deri ditën e mërkurë, datë 14 mars 2018.
Trajneri i skuadrës përfaqësuese U-19 të femrave Nevil Dede ka grumbulluar plot 23 futbolliste të cilat do të jenë në vëzhgimin e tij dhe të stafit teknik, për tu bërë më pas pjesë e ekipit përfaqësues të femrave për Shqipërinë U-19 dhe më pas në kombëtaren A. Grupmosha e tyre është e datëlindjes 2000-2001-2002, ku shumica e futbollisteve janë nga kampionati ynë, plot 19 lojtare dhe 4 vijnë nga ligat jashtë Shqipërisë.
