Barazimi kundër Zvicrës ka dëshpëruar të gjithë në Brazil, sepse prisnin tjetër paraqitje dhe rezultat nga Seleçao.
Mediat dhe analistët kanë shënjestruar Nejmarin: “Dështim total – shkruan ESPN Brazil – Duhej zëvendësuar, po mundohej ta fitonte i vetëm ndeshjen dhe gaboi gjithçka. Po Douglas Kosta pse nuk u fut?”.
Edhe ish-futbollisti i Interit Ze Elias është nën të njëjtën linjë, duke kritikuar edhe trajnerin Tite: “Nejmari harron që luan në një skuadër. Fitoi aq shumë faulle vetëm sepse luan për vete, është egoist”.
GloboEsporte i vendosi Nejmarit notën 5.5, ndërsa Fox Sport Brazil e ka me Titen: “Lojtari që mund të prishte ekuilibrat e Zvicrës, Douglas Kosta, nuk luajti fare. Si shpjegohet?”.