Tirana i ka mbyllur ditët e pushimit dhe i është rikthyer stërvitjeve. Bardheblutë kishin 12 ditë pushim pas mbylljes së sezonit, por tani duhet të përgatiten për ndeshjet e Champions League, teksa pas pak ditësh do të njihet në short edhe me rivalin e turit të parë.
Në stërvitje ka zbritur për herë të parë edhe Albano Aleksi i marrë nga Teuta. Gjithashtu Shehi llogarit tani edhe rikthimin e sulmuesit Ngoo. Ndërkohë edhe Andri Stafa e ka mbyllur huazimin te Burreli, duke u rikthyer te bardheblutë. /Elio Hajdari-Sport Ekspres/