Pas barazimit të Skënderbeut ditën e sotme kundër Bylisit, takim që shkoi në shifrat 1-1, ka ardhur edhe një reagim nga grupimi i tifozëve “UED”. Këta të fundit kanë përdorur faqen e tyre në rrjetin social “Facebook” për të thënë fjalën e tyre. Një postim thumbues i tyre, drejtuar gjithë atyre që bëjnë pjesë në klubin e tyre të Skënderbeut, duke nisur nga presidenca e deri te lojtarët.
“UED” bëjnë të ditur se dashuria e tyre shkon për qytetin dhe Skënderbeun e jo për ata që janë kalimtar në klubin juglindor. Madje shtojnë se nuk i bashkon asgjë me ta dhe me lojtarët, pjesë e dikurshme apo e aktuale e klubit, që vetëm shëtisin fanellën duke u kthyer sipas tyre në mercenarë./Sport Ekspres/
