Ndodh rrallë që të shihni tifozët e Crevena Zvezdës dhe Partizanit të Beogradit të bashkuar, për të mos thënë kurrë. Por kjo ndodhi, në mbrëmjen e djeshme. Pavarësisht se duhej të ishin kundërshtar dhe duke ofenduar njëri-tjetrin në stadium, për derbin që u shty pas ngjarjeve të fundit, kryesia e tifogrupeve ka shkuar në tempullin e Shën Savës.
Atje janë përkujtuar serbët që ndërruan jetë në Kosovë, pikërisht disa prej anëtarëve të atij grupi që shkoi për të terrorizuar Kosovën, por kishin një fund të hidhur. Kryesia e ultrasve shkoi për të përkujtuar viktimat dhe kështu i shtrin dorën njëri-tjetrit kundër shqiptarëve. /Sport Ekspres/