Talenti më i madh në Kosovë është Blend Baftiu që luan me Ballkanin. Madje edhe vetë trajneri i ekipit, Munishi, e ka cilësuar si një nga futbollistët më të mirë në trojet shqiptare.
Me Kosovën U-21 do të gjente golin e vetëm ndaj Shqipërisë U-21, në ndeshjen që përfundoi në shifrat 2-1. I aktivizuar nga stoli, do të ishte pikërisht Blendi Baftiu që do të tundte rrjetën me kokë. Së fundmi lojtari ka arritur marrëveshjen me menaxherin e njohur Shkumbin Qormemeti. E gjitha kjo konfirmohet edhe nga një foto e lojtarit me Haris Fakiç, që punon bashkëpunon ngushtë me Qormemeti. /Sport Ekspres/