Ibrahimoviç është shumë pranë Milanit dhe në lidhje me këtë marrëveshje mungon vetëm zyrtarizimi. Pavarësisht se ka shumë polemika mbi transferimin e këtij sulmuesi, mëse e kuptueshme duke parë vetë natyrën e suedezit, kuqezinjtë do të jenë shtëpia e re.
Madje “Sky” raporton se entuziazmi është rritur së tepërmi te Milani për mbylljen e kësaj lëvizje. Sipas asaj që shprehet media italiane, Ibrahimoviç do të jetë i gatshëm që për ndeshjen e radhës kundër Bolonjës. Takimi do të luhet në datën 8 dhjetor, ndërsa përgjatë orëve të ardhshme pritet edhe zyrtarizimi. /Sport Ekspres/