Sulmuesi i Teutës, Khalid, ka rrëfyer për “Gazeta Olle” momentet që ai përjetoi gjatë atij tërmeti tragjik me epiqendër në qytetin e Durrësit. Fatmirësisht ish-futbollisti i Prishtinës nuk është lënduar mëngjesin e së martës, ndërsa frika nga lëkundjet e tjera të tokës e ka shtyrë të largohej nga qyteti bregdetar.
“Tërmetin sigurisht që e kam ndjerë dhe më ka tronditur, mirëpo fatmirësisht nuk jam lënduar. Atë mbrëmje, unë dola me shpejtësi pas tërmetit dhe më pas qendrova jashtë. Unë kam qëndruar vazhdimisht me shokët e skuadrës, ndërsa ditët e fundit nuk i kam kaluar në Durrës, pasi tërmetet kanë qenë të njëpasnjëshme”, ka deklaruar Basit Khalid./Sport Ekspres/