Partizani nuk është duke përjetuar një moment të mirë aktualisht në kampionat. Vendi i parë është lënë nga të kuqtë, derbi është humbur pas 5 vitesh ndaj Tiranës dhe në takimin e fundit kanë pësuar disfatë ndaj Teutës.
Por çfarë po ndodh te Partizani? Një analizë të shkurtër e bën Sulejman Starova në emisionin “Pressing” që transmetohet në “Abc Neës”, duke folur me emra konkret.
“Kartoni i Asanit u ble sa qimet e kokës nga Demi. Tani ai iku, bashkë me trajnerin. Shumë gabime janë bërë dhe po humbet harmonia e grupit. Futbollistët paguhen shumë aty. Mala për arsye që ne i dimë tani, nuk po luan. Nuk duam të merrem me çështjet e klubit, por një lojtar titullar që nuk është pjesë e ekipit,tregon për ç’orientimet. Kemi Solomon, Broën dhe Romeron. Të gjithë këta lojtarët që janë blerë e dini sesa rrogë marrin? Epo këta janë bërë problem sipas meje”, ka thënë Starova. /Sport Ekspres/