Sulejman Starova ka folur në lidhje me ritmin e ndeshjeve të Superiores. Një krahasim bëhet edhe me disa prej përballjeve në Seria A. Trajneri i njohur i cili u ftua në emisionin “Pressing” në “Abc News”, u shpreh se Kastrioti-Apolonia shihet më mirë sesa disa ndeshje në Seria A.
“Nuk jam dakord në lidhje me ritmin. Janë ca ndeshje në Serie A që të zë gjumi dhe është më mirë të shohësh Kastriotin me Apoloninë. Normalisht covidi ka bërë punën e vet dhe ndikimi shikohet kryesisht në 30 minutat e fundit”, tha Starova. /Sport Ekspres/