Një lajm i hidhur për dinamovitët dhe gjithë sportin shqiptar: ndërron jetë ish-legjenda e portës së Dinamos, Ilir Luarasi, në moshën 64-vjeçare. Personaliteti i njohur është gjetur i pajetë në shtëpinë e tij në Francë, ku jetonte prej vitesh.
Luarasi ka pasur një karrierë të rëndësishme me skuadrën e Dinamos, klub ku u rrit dhe prej vitit 1976 u afrua në ekipin e parë, duke luajtur me lojtarë të famshëm si Sejdini, Zëre, Përnaska, Ballgjini, Targaj, Marko, Demollari, Çoçoli, etj.
Luarasi ishte pjesë e Dinamos për 11 vite duke fituar shumë trofe, ndërsa luajti dhe dy ndeshje me kombëtaren shqiptare, por nuk iu dha mundësia të luante rregullisht.