Elseid Hysaj është larguar nga Napoli pas 6 vitesh kontribut. Mbrojtësi shkodran do të jetë pjesë e Lacios dhe do të punojë në drejtimin e Mauricio Sarrit. Së fundmi futbollisti shqiptar ka postuar edhe një letër emocionuese për largimin nga Napoli.
“Napoli, pas 6 vitesh është koha për të thënë lamtumirë, një postim nuk është i mjaftueshëm për të falënderuar të gjithë, por unë dua të falënderoj shokët e mi të ekipit, klubin, punëtorët e magazinës, Tommaso-n e madh që është një pjesë e historisë së Napolit, fizioterapistët dhe të gjithë profesionistët.
Unë gjithashtu falënderoj njerëzit që kam takuar gjatë kësaj kohe, të cilët kanë qenë të gjithë të mrekullueshëm dhe të dobishëm në udhëtimin tim. Një falënderim i veçantë shkon për ju fansat, një qytet që më bëri mua dhe familjen time të ndihemi si në shtëpinë tonë.
Ju jeni një qytet i veçantë dhe tifozë të veçantë, ju jepni shumë për të gjithë ata që veshin fanellën e Napolit, por unë ju them se ishte një nder për mua të vishja këtë fanellë. Për 6 vjet kam dhënë shpirtin tim, gjithmonë kam djersitur fanellën, jam përpjekur gjithmonë ta nderoj fanellën.
E vetmja gjë për të cilën pendohem është që nuk kam festuar golin tim atje me ju, me stadiumin plot. Dhe siç thotë e vërteta fraza e famshme “Kur shkon në Napoli qan dy herë, kur arrin dhe kur largohesh. Kështu që unë gjithmonë do t’ju mbaj në zemrën time! Përshëndetje Guagliò”, shkruan Elseid Hysaj. /Sport Ekspres/