Shumë firma ka hedhur deri tani mbrojtësi shqiptar, Fidan Aliti. Mes tyre edhe te klubi i Skënderbeut, atje ku do të shkëlqente dhe do të merrte vëmendjen në ambientin sportiv shqiptar. Aktualisht është pjesë e Kalmarit në Suedi, teksa arriti të mbijetonte në fazën “Play-Off” në elitën e futbollit.
Por këtë herë Fidan Aliti ka hedhur firmën “në kontratën e jetës”. Lidhja është kurorëzuar dhe futbollisti e ka certifikuar martesën, duke e bërë publik edhe me ndjekësit e tij. Urimet kanë qenë të shumta, nga lojtarët që kanë luajtur me të deri tani. /Sport Ekspres/
