Megjithëse shihej si një shpresë që mund të ndizte shanset e Shqipërisë për të shkuar në Botërorin e Katarit në vitin 2022, tashmë është kthyer në një pistë të pamundur për kuqezinjtë. UEFA ka vendosur që të vetmet ekipe, që do të shkojnë në play off së bashku me vendet e dyta të kualifikueseve, do i përkasn Ligës A dhe B të Ligës së Kombeve.
Kombëtarja shqiptare do të luajë në Ligën C sezonin e ardhshëm, gjë që e bën të pamundur kalimin në Botëror përmes këtij kompeticioni. Kështu e vetmja mënyrë është përmes grupeve, megjithëse rruga prej andej duket e vështirë, teksa vetëm vendet e para sigurojnë automatikisht një biletë. Ndërkohë e njëjta gjë vlen edhe për Kosovën, që do sezonin e ri të Nations League do të marrë pjesë në të njëjtën ligë me Shqipërinë, në Ligën C./Sport Ekspres/