Milot Rashica ia ka dedikuar golat ndaj Ëolfsburgut në atë fitore me rezultatin 2-3, ku erdhi edhe dopieta, pikërisht Shqipërisë. Kjo erdhi për shkak të situatës së vështirë që ka kaluar vendi ynë pas tërmeteve katastrofale që shkaktuan edhe shumë viktima.
Në mediat gjermane, sulmuesi shqiptar ka dhënë edhe një shpjegim për situatën në vend. Me një krenari të madhe shprehet se Shqipëria dhe Kosova është sensibiluzar dhe është bërë bashkë për këtë rast.
“Është një situatë shumë e trishtuar për të gjithë njerëzit nga Kosova dhe Shqipëria. Ne po përpiqemi të mbështesim njëri-tjetrin për të ndihmuar, nga Kosova dhe Shqipëria, por edhe nga vendet e tjera. Unë jam shumë krenar për atdheun tim. Të gjithë jemi bashkë dhe u ngritëm, ndërsa shpresoj se ditët e mira do të vijnë prapë për ne”, ka thënë Rashica. /Sport Ekspres/