Liverpuli ka dalë i humbur në të dy ndeshjet me Real Madrid, duke i dhënë fund aventurës së tyre në Champions League. Menjëherë pas përfundimit të takimit, Klop i ka shtrënguar dorën kundërshtarëve dhe i ka uruar për kalimin më tej.
“Prisja një ndeshje tjetër, por Real Madridi ishte shumë mirë. Ata e kontrolluan takimin, kishin rastet më të mira. Nuk ishim në nivelin e duhur për të bërë një mrekulli. Reali e meritoi kualifikimin. Me përvojën që ata kanë, kushdo që dëshiron të fitojë Champions League duhet të mundë Real Madridin, por ndoshta edhe Manchester City. Do ta shoh nga distanca”, tha Klop. /Sport Ekspres/