Pas traumës së madhe që ka kaluar Durrësi, me ato tërmete shkatërrimtare që sollën viktima dhe të plagosur, ka nisur të diskutohet edhe për futboll. Të paktën nga klubi i Teutës, e cila njofton se qyteti ka rifituar qetësinë dhe nuk ka më lëkundje të frikshme sizmike.
Gjithashtu ka ardhur edhe njoftimi ku raportohet se brenda pak ditësh, lojtarët do të zbresin në fushë dhe do të përgatiten për ndeshjen e radhës ndaj Skënderbeut. Por fillimisht kërkohet një stabilizim total i vendit, pasi disa prej lojtarëve të Teutës janë larguar jashtë Shqipërisë me familjet për arsye sigurie. /Sport Ekspres/
Ruani qetësinë!
Nuk mbahet mend që Durrësi të ketë qenë ndonjë herë në situatë më të vështirë që është aktualisht. Me probleme të mëdha nga termeti i 26 nëntorit. KF Teuta konfirmon se situata është qetësuar dhe ka ren ndjeshëm numri i pasgoditjeve .Ne mund t’iu themi se situata është duke u qetësuar. Mund t’iu sigurojmë se situata sizmologjike është shumë e qetë në këto orët e fundit. Nuk ka asnjë rrezik që njerëzit të shqetësohen. Çdo ngjarje sizmike shoqërohet me pasgoditje. Kjo ka bërë që situata në klubin e Teutës të jetë e qetë, dhe, brenda pak ditëve, skuadra pritet të zbres në fushë për të rinisur përgatijet anti-Skënderbeu.