Presidenti i Sampdorias nuk ka kaluar Krishtlindje të qeta, teksa një banderolë kërcënuese për të është shpalosur në qytetin e Xhenoas. Tifozët e klubit italian nuk janë aspak të kënaqur me situatën në të cilën skuadra e tyre e zemrës ndodhet në Serie A, ku e mbyllën vitin vetëm një pikë larg zonës së ftohtë.
Kështu përgjegjës për këtë është bërë pikërisht presidenti Massimo Ferrero, që shumë mund ta njohin prej veprimeve të tij paska “të çmendura”. “25 Dhjetor. Dreka e Krishtlindjes. Ferrero zgjidhe mirë lokalin tënd”, ishin fjalët e shkruara në baner, të cilat qartësisht janë shenja kërcënimi për presidentin e Sampdorias./Sport Ekspres/
