Një situatë aspak të mirë po përjeton portieri Arijanet Muriqi në “Championship”. Gardiani shqiptar nuk ka qenë as në stol në ndeshjen e fundit që zhvilloi Nottingham Forest, atje ku humbi me rezultatin 0-1 ndaj Charltonit. Në mediat angleze thuhet se ka një krisje të marrëdhënieve mes portierit shqiptar dhe trajnerit Lamouchi, ndërsa vendin e titullarit e ka marrë Samba, megjithëse Muriq u huazua nga Manchester City pikërisht për këtë arsye, për të qenë numri një.
Tashmë shpresa e këti gardiani është telefonata e Pep Guardiolës, për ta rikthyer te “qytetarët”. Megjithëse mbetet shumë e vështirë, duke parë se as një aventurë në “Championship” nuk po shkon ashtu siç duhet. /Sport Ekspres/