Ergys Kaçe rezultoi një zhgënjim në këto 15 javë të para në “Abissnet Superiore“. Prej një lojtari që ka një eksperiencë të pasur edhe me Kombëtaren shqiptare pritej vërtetë shumë, por në fushën e lojës është parë shumë pak nga aftësitë e tij. Për mesfushorin duket se nuk ka më vend në kampin e të kuqve dhe Partizani po kërkon largimin e tij.
Mesazh të cilin klubi ia ka lënë të kuptohet qartë. Kryeqytetasit përsërisin rastin e Esat Malës, të cilin për një periudhë të gjatë e lanë në ekipin B të tyre. Të njëjtin fat ka pësuar së fundmi edhe Kaçe, i cili është dërguar të stërvitet me ekipin e dytë të Partizanit./Halit Delibashi-Sport Ekspres/