Partizani është mposhtur në transfertë përballë Elbasanit. Verdheblutë kanë arritur të fitojnë me shifrat 2-0. Ishte Emiljano Musta ai që arriti ta dërgonte topin dy herë në rrjetën e kryeqytetasve. Në të dy rastet, goli u shënua nga pika e bardhë e 11 metrave.
Musta shënoi fillimisht në minutën e 37, ndërsa në të 89-n vulosi përfundimisht rezultatin e takimit. Me këtë fitore Elbasani shkon në kuotën e 34 pikëve, duke hyrë sërish në garë për t’u renditur mes 4 më të mirëve të “Abissnet Superiores”. Sipër verdhebluve, në vendin e 4-t, renditet pikërisht Partizani me 40 pikë të grumbulluara./Sport Ekspres/