Lazio ka mposhtur mbrëmë Romën me rezultat 1-0. Ishte shumë emocionuese dhe duket se momenti kyç ishte kartoni i kuq për Ibanezin e Romës pas vetëm gjysmë ore lojë.
Lazio e shfrytëzoi këtë shans dhe festoi me golin e Zaccagni-t, ndërsa nervozizmi në fushë u transferua në dhomat e zhveshjes.
Presidenti i Lazios, Claudio Lotito dhe trajneri i Romës, Jose Mourinho janë përplasur.
Gjithçka nisi para dhomës së zhveshjes së Romës kur Alessio Romagnoli po festonte fitoren dhe kjo gjë zemëroi Gianula Mancinin, i cili e sulmoi.
Lotito u përfshi dhe më pas Mourinho doli në skenë.
“Çfarë ke që shikon”, i tha Mourinho Lotitos, i cili gjithashtu ishte inatosur. “Unë jam presidenti i Lazios, dhe ju? Kjo është shtëpia ime dhe ju nuk duhet të jeni fare këtu”, u përgjigj Lotito. /Elio Hajdari-Sport Ekspres/