Armando Broja ka shënuar golin e parë për vitin 2022 me Southampton. Sulmuesi shqiptar tundi rrjetën në takimin ndaj Brentford, që po fitohet me shifrat 4-1. Goli i Brojës do të vinte në minutën e 48 të takimit. Pas një pasimi fantastik nga zona e Southampton, sulmuesi shfrytëzoi shpejtësinë e tij mbreslënëse duke kaluar edhe portierin kundërshtar. Pas disa dëmtimeve në fushën e lojës, trajneri Hasenhutl ka zgjedhur që ta largojë nga fusha rreth 10 minuta para fundit të takimit.
Ndërkohë pas këtij goli të shënuar ndaj Brentford, “Opta Joe” që tregon statistikat e lojtarëve shkruan se Armando Broja është lojtari më i ri në historinë e Premier League që arrin të shënojë në 4 ndeshjet e para si titullar në shtëpi, në Premier League. Është lojtari i parë që ia del në këtë kompeticion që nga koha e Diego Costës te Chelsea në 2014. /Sport Ekspres/
4 – Armando Broja is the youngest player in Premier League history to score in his first four home starts (20y 123d), and the first player to do so in the competition overall since Diego Costa for Chelsea in October 2014. Eruption.
— OptaJoe (@OptaJoe) January 11, 2022