Ka mjaftuar fitorja e Belgjikës në Bosnje Hercegovinë për të kaluar Italinë matematikisht në play-off të fazës eliminatore për Botërorin 2018 në Rusi. E ndërsa në shumë portale gazetash sportive italiane është publikuar materiali, menjëherë, mes komenteve ironizuese dhe atyre kritikuese, kanë qenë tifozë të Italisë që kanë shkruar se “do të pësojmë 3 gola në Shqipëri” dhe se “për fat na kualifikoi Belgjika, sepse në Shqipëri do ta kishim shumë të vështirë”.
Dikush tjetër shkruan “shumë mirë që u kualifikuam, tani edhe mund të dalim me humbje në Shqipëri”, ose edhe “do të humbasim dhe nuk do të jemi kokë grupi, sepse ta shpifim si ekip”.
