Armando Broja bëri një rikthim të mrekullueshëm pas dëmtimit të vështirë që kaloi. Sulmuesi shqiptar shënoi gol në ndeshjen e tij të parë si titullar që pas dëmtimit. 22-vjeçari ka folur për “Matchday” në “Sky Sports” pas përfundimit të derbit me Fulham-in, ku ka shprehur kënaqësinë që i ka dhënë goli i shënuar dhe fitorja e sotme.
“Si një sulmues, gjithmonë dëshiron të shënosh, në skenën e madhe dhe në momentet e rëndësishme. Është një ndjenjë e pabesueshme të shënoj në derbi dhe është e mrekullueshme të marrim tre pikët, që është gjëja më e rëndësishme“, ka thënë Armando Broja./Halit Delibashi-Sport Ekspres/