Paraqitjet jo të mira të Napolit kanë shkaktuar jo pak debate mes trinomit lojtarë-trajner-president. Nga ana tjetër tifozët ishin ata të cilët kërkonin edhe më tepër llogari për dobësimin e skuadrës. Javë pas jave Napoli e pa veten të parakaluar nga Juventus, Inter, Lazio, Atalanta, Roma e madje edhe Cagliari. Thirrja e Anchelotit për t’u shpallur kampion i Seria A duket se nuk funksionoi, ose të paktën Napoli nuk është ende gati për një titull.
Në këto kushte, rinovimi i skuadrës mbetet ilaçi më i mirë i situatës së krijuar. Por në këtë pikë, drejtori sportiv, Cristiano Giuntoli, e ka shfrenuar paksa fantazinë. Ai së fundi mësohet se po kërkon të fus një frymë komplet ndryshe tek napoletanët. Të paktën shtatë janë emrat që Giuntoli ka pikasur për të afruar në ekip përfishirë këtu edhe mbrojtjen e Veronës. Kumbulla-Rrahmani janë dyshja e preferuar e tij deri më tani, për të tentuar blerjen e tyre gjatë verës.
Transferime që në rastin më të mirë do i kushtonin goxha napoletanëve në buxhetin e shpenzimeve, nisur nga forma fantastike që po kalojnë shqiptarët. Në kampionat Kumbulla e Rrahmani janë cilësuar si një nga mbrojtjet më të mira përballë kundërshtarëve të fortë si Juventus, Inter madje dhe Napolit./Sport Ekspres/
Lista e piketuar nga Cristiano Giuntoli:
Kumbulla, Rrahmani – Verona
Timothy Castagne – Atalanta
Rayan Ait-Nouri – Amiens
Strahinja Pavlovic – Partizani Beograd
Erling Braut Haland – Salzburg
Alex Grimaldo – Benfica