Teksa 4 ekipe shqiptare janë pa trajner dhe gjenden në pritje për të njohur drejtuesin e tyre të radhës, te Tirana mund të shtohet edhe një alternativë. Bëhet fjalë për Bledi Shkëmbin, që është larguar nga Teuta, më së shumti për shkak të mungesës së golave të shënuara.
Nëpërmjet një foto të postuar nga Kristi Vangjeli në “Instagram”, së bashku me lojtarin tjetër të bardhebluve, Edvan Bakaj, janë ulur në një kafe. Në kohë të tilla kur nuk ka kohë për të humbur, asnjë takim nuk mund të jetë vetëm rastësor. Në këtë mënyrë edhe Shkëmbi shfaq disi kureshtjen e tij për të mësuar sadopak gjendjen e Tiranës. /Sport Ekspres/
