Giorgo Chellini nuk ka ndërmend të heqë dorë nga karriera futbollistike. Mbrojtësi italian do të vazhdojë rrugëtimin e tij në Superligën amerikane, MLS. Los Angels Fc ka zyrtarizuar transferimin e mbrojtësit 38 vjeçar, ku ky i fundit ka nënshkruar një kontratë 1 vjeçare deri në qershorin e 2023.
Megjithatë, kontrata mund të rinovohet me një vit tjetër nëse të dyja palët mbeten të kënaqura nga sezoni i ardhshëm. Pas një aventure shumë të gjatë tek Juventus, legjenda e Italisë largohet përfundimisht nga futbolli europian, aty ku arriti majat në karrierën e tij. Ashtu si Buffon, edhe Chellini vendos të vazhdojë karrierën e tij edhe pse në një moshë madhore. /Elio Hajdari-Sport Ekspres/