Të jesh mirënjohës është një virtyt i madh dhe për fatin e mirë, Armando Broja e zotëron! Sulmuesi shqiptar mori jo pak minuta pas ardhjes së trajnerit Potter te Chelsea. Për fatin e keq të dëmtimit, Broja nuk mund të bënte sezonin e ëndrrave.
Potter do të shkarkohej pas rezultateve jo të mira, por edhe për shkakun se kishte humbur dhomat e zhveshjes. Lojtarët shpeshherë talleshin me të dhe nuk i dëgjonin udhëzimet e teknikut. Pas shkarkimit të Potter, Broja ka qenë nga të paktët futbollistë te Chelsea që e ka përshëndetur me reagim në rrjetet sociale duke i uruar më të mirën në vazhdimësi. /Sport Ekspres/