Teksa Tirana ishte pa trajner përpara ndeshjes me Partizanin për derbin e Superiores, në media u lakua edhe për rikthimin e Ardian Memës. Ky i fundit ishte larguar për rezultatet negative, por u pa e nevojshme një rikthim i mundshëm për situatën kritike.
Megjithëse nuk ndodhi menjëherë, vetë Mema ka lënë të hapur gjithçka në emisionin “Pressing”. Trajneri është shprehur se ka pasur një telefonatë nga presidenti Halili që i ka kërkuar një mendim nga ana e skemës teknike.
“Kam folur me Halilin para derbit dhe më pyet ende për skema teknike, ndoshta më beson ende. Kjo mund të ketë ndodhur edhe me persona të tjerë. Sa i përket rikthimit duhet të bisedojmë për më tepër detaje pasi nuk është një gjë që mund të thuhet prerë: “Po apo jo”. Nuk i vendos veton Tiranës pasi është shtëpia ime. Mund të them edhe se kam dëgjuar shumë thashetheme se ma kanë bërë formacionin të tjerët, pork jo nuk është e vërtetë”, ka thënë Mema. /Sport Ekspres/