Berberi i Kombëtares, Erti Biturku ishte i ftuar në emisionin “Ora Sport” në Ora News ku tregoi se cilët futbollistë janë më të vështirët për tu qethur. Biturku tha se lojtari me të cilin ka më shumë vështirësi për tu marrë me pamjen e tij është Cikalleshi.
“Kohë më shumë për pjesën e lookut më merr Cikalleshi. Tek hoteli ku grumbullohen lojtarët shkoj edhe unë. Më i lehti për tu qethur është Ajeti se është qeros. Vijnë lojtarët në Kavajë për tu qethur. Kam qethur Rejën dhe De Biasin. Trajnein Sylvinho nuk e kam qethur ende. Lojtari që merret më shumë me lookun është Hysaj”, tha ndër të tjera Biturku.