“E pranoj, faji është i imi. Të gjithë kanë analizuar futbollistët që afruam në verë, cilësorë dhe me shumë karakteristika, por nuk e mendonim se do të shkonte kaq keq… Nuk duhet të mendojmë për janarin, por për fushën. Kërkojmë sërish falje, por më sulmoni mua, jam unë fajtori, jo ekipin. Janë lojtarë shembullorë dhe duan të dalin nga kjo situatë”. Masimiliano Mirabeli, drejtori sportiv i Milanit, pas humbjes së radhës, del përpara kamerave dhe pranon një pjesë të fajit. “Duam që të fitojmë për nder dhe krenari ndaj Interit në Kupë, për t’i dhënë gëzim tifozëve tanë, që e meritojnë. Gatuzo? Më vjen keq, punon nga mëngjesi në darkë”.