Kristjan Asllani ka zhvilluar një tjetër takim si titullar te Interi dhe shkëlqeu në fitoren e zikaltërve kundër Veronës. Megjithatë performanca e shqiptarit nuk merr rëndësi të vecantë pasi Interi fitoi në shifrat 0-5 ndaj Veronës që në pjesën e parë. Për ish-lojtarin e Interit, Adani, zikaltërit besojnë shumë te Asllani, por ky i fundit duhet të mahnisë me performancat e tij në të kundërt nuk ka asnjë shans konkurrimi me Calhanoglu.
“Mendoj se bota e Interit pret përgjigje të caktuara nga Asllani. Bëri shumë mirë kundër Veronës, por duhet të ketë vazhdimësi, duhet të bëj gjithmonë mirë për të fituar, për të mahnitur dhe për të rritur në Europë. Të kesh përpara Calhangolu është e vështirë sepse do të rrish gjithmonë në stol dhe do të jesh rezerva e tij, nuk ke asnjë mundësi të fitosh vendin e titullarit. Por Interi di të ndihmojë lojtarët me më pak minuta, siç bëri edhe me Correan”, tha Adani. /Elio Hajdari-Sport Ekspres/