Amir Rrahmani erdhi në Seria A gjatë merkatos së verës, kur la kampionët e Kroacisë, Dinamon e Zagrebit, për t’iu bashkuar Veronës. Kjo rezultoi një lëvizje e duhur në karrierën e mbrojtësit shqiptar, që këtë sezon ka lënë një shije mjaft të mirë, duke qenë një pengesë tepër e vsështirë për çdo sulmues në Itali.
Serie A në faqen zyrtare ka bërë një postim, ku i vendos Rrahmanit nofkën ‘oktapodi”, teksa zbulon edhe arsyen. Futbollisti i Veronës ka rekuperuar në total 240 topa këtë sezon, më shumë se çdo kush tjetër në këtë kampionat, ku mbrojtja është gjëja që lojtarët dinë të bëjnë më mirë. Ndërkohë në postimin në gjuhën angleze e quan kapitenin e dardanëve edhe si “mbretin e rekuperimeve”./Sport Ekspres/
