Marco Van Basten ka qenë në qendër të kritikave në Holandë dhe shkak për këtë është bërë batuta e tij e tepruar. Gjithçka ndodhi pas intervistës së trajnerit gjerman të skuadrës Heracles me një gazetar të “Fox”. Teksa trajneri ishte gati për t’u larguar, legjenda e futbollit holandez i drejtoi fjalët “Sieg Heil”. Fraza përkthehet “urime për fitoren” dhe i gjithë problem është në faktin se një frazë e tillë përdorej nga nazistët në drejtim të liderit të tyre, Adolf Hitler.
Për këtë arsye opinioni publik nuk e ka mirëpritur aspak këtë veprim të Van Basten, që më pas do të jepte versionin e tij se ishte thjesht një shaka e tij për gazetarin e “Fox”, i cili është i kombësisë gjermane. “Nuk doja të shokoja askënd. Thjesh doja të bëja një shaka për gazetarin e “Fox”, Hans, që është gjerman. Kjo e imja ishte vetëm një shaka e pafatë”, do të shfajësohej Marco Van Basten./Sport Ekspres/