Të tjera sfida interesante janë zhvilluar ditën e sotme në kuadër të Kupës së Shqipërisë për moshat U-17 dhe U-19, teksa janë zbuluar edhe katër emrat e tjerë që kalojnë në fazën çerekfinale.
Football Republic dhe Apolonia janë dy skuadrat e grupmoshës U-17 që kanë siguruar biletat për në çerekfinale. Football Republic mori një fitore minimale 0-1 ndaj Shënkollit, ndërsa nga ana tjetër fierakët mundën Shkodrën me shifrat 1-2.
Shkodra U-17 1-2 Apolonia U-17Shënkolli U-17 0-1 Football Republic U-17
Jo vetëm 17 vjeçarët e Football Republic arritën të kualifikohen për fazën tjetër, por edhe ekipi i U-19, teksa fitoi pastër me rezultatin 0-3 ndaj Shënkollit. Ndërkaq, në përballjen tjetër mes Internacional Tirana- Teuta, ishin kryeqytetasit ata të cilët buzëqeshën në fund pasi morën një fitore 1-0, që i siguron kështu çerekfinalen.
Shënkolli U-19 0-3 Football Republic U-19
Internacional Tirana U-19 1-0 Teuta U-19
Sakaq, të dielën dhe të hënën do të zhvillohen edhe ndeshjet e radhës për Kupën e Shqipërisë, me skuadrat që do të tentojnë të sigurojnë një biletë për çerekfinale.
Turi i parë U-17
09.01.2022 / Ora: 10:00 KF Tirana – KF Skënderbeu
09.01.2022 / Ora: 10:00 FC Internacional Tirana – Flamurtari FC
Turi i parë U-19
09.01.2022 / Ora: 12:00 KF Tirana – KF Skënderbeu
09.01.2022 / Ora: 12:00 KF Partizani – Flamurtari FC