Një punonjës i klubit nuk ka të drejtë të shprehë mendime kritike, por vetëm lëvdata. Kjo duket se është politika e Real Madridit, që nuk i ka pranuar kritikat e trajnerit të Real Juvenil B (ekipi B i të rinjve), Alvaro Benito, drejtuar disa prej lojtarëve kryesorë të Los Blancos.
I ftuar në Radio Cadena Ser për të komentuar humbjen e Realit në El Clasico në kupë, ish-futbollisti i Realit komentoi ndër të tjera: “Vinicius na ka befasuar të gjithëve, është një blerje e bekuar. Është i ri, por prish ekuilibrat e sulmit dhe prish ekuilibrat e mbrojtjeve kundërshtare. Problemi është se të tjerët janë shumë larg nivelit të tij.
“Kasemiro nuk meriton të luajë asnjë minutë, Kros po ashtu. Ramos pati faj te goli i parë, duke mos reaguar në një top që ishte i tij. Edhe te goli i dytë gaboi rëndë”.
Kaq mjaftoi që Reali ta pushojë nga puna trajnerin që aktualisht ishte i dyti në kampionat. Vendin e tij e merr legjendari Raul, i cili po ngjit pak nga pak shkallët e hierarkisë të trajnerëve te Reali.
? “El problema está en que hay jugadores que están muy lejos de su nivel”
? “Casemiro no está para jugar ni un minuto”
? “En el primer gol, Ramos va muy blando a por un balón que es suyo”
? “En el segundo hay un despiste tremendo”https://t.co/8nU0jvlcdi— AS (@diarioas) March 1, 2019