Majkëll Karrik është tashmë në fund të karrierës së tij si futbollist dhe ka lajmëruar se do të tërhiqet në mbyllje të sezonit, pas një operacioni në zemër që e ka mbajtur jashtë për shumë muaj.
Megjithatë, ish-mesfushori i Anglisë nuk i ndahet skuadrës dhe fundjavën e shkuar ndoqi nga tribuna e tifozëve miq fitoren e Mançester Junajtid në Bërnli.
Një video e postuar në Twitter nga Mançester Junajtid ka bërë xhiron e uebit, pasi tifozët këndojë për Junajtid dhe në një moment edhe Karrik çohet dhe nis e këndon.
“Karrik duke u zbavitur në tribunën e tifozëve tanë”, shkruante Junajtid në Twëitter, ndërsa Karrik komentonte: “Kur të kap entuziazmi në mbështetje të çunave”.
.@Carras16 enjoying the away end today! ?#MUFC pic.twitter.com/YN968SNqlF
— Manchester United (@ManUtd) January 20, 2018