avarësisht vështirësive të shumta që ka skuadra e Skënderbeut, po vazhdon të paraqitet denjësisht në Superiore. Madje duke ndalur edhe hapin e bardhebluve që drejtohen nga ana e Egbos dhe që deri në këtë moment, nuk e njihnin pengesën me trajnerin e ri.
Por cili ishte sekreti i këtij barazimi? Me gjendjen që u kthye Tirana pas Egbos, për Skënderbeun mund të shijojë edhe si një fitore, pasi nuk është e pakët që të dalësh me pikë nga kryeqyteti. Për të gjetur pikën e fortë të Dajës, duhet të ndalemi tek një 19-vjeçar.
Bëhet fjalë për Agon Elezin, që ishte “Agonia” e Torrasës ndaj Skënderbeut. Gjithmonë e kemi parë këtë lojtar të Tiranës që t’i jap frymë sulmit dhe të krijojë raste para portës kundërshtare, por detyrën për ta mbyllur dhe për ta markuar, Elezi e realizoi në perfeksion. Shiritin e kapitenit e ka mbajtur edhe te moshat e Maqedonisë së Veriut, por kthimi në një lojtar kyç për korçarët dhe duke parë moshën, padyshim që është një arritje më vete. /Sport Ekspres/