Disi ironike tingëllon, por Murinjo ka në dorë shkarkimin e Ole Gunnar Solskjaer te Manchester Junajtid. Në mbrëmjen e nesërme do të ketë një përballje direkte me Totenhemin, që do të vendosë shumë për Solskjaer.
Në rastin e një humbje, atëherë do të ketë një shkarkim të menjëhershëm. Madje sipas asaj që raportojnë mediat angleze, vetë trajneri i Manchester United u aka bërë të qartë edhe lojtarëve të tij: “Nëse do të humbasim nesër, unë do të shkarkohem”.
Në këto kushte presioni është i madh dhe ky mund të jetë një faktor pozitiv për Murinjon. Kur ky i fundit u largua nga Junajtid, vendin e tij e zuri Solskjaer. Menjëherë ekipi u përgjigj me disa fitore dhe të gjithë po e shihnin si të keqen më të madhe ish-teknikun e tyre portugez. Por me kalimin e pak viteve, gjithë historia ka ndryshuar. /Sport Ekspres/