Igli Tare po mendon për merkaton e verës te Lacio dhe për të përforcuar skuadrën që sipas gjasa do të jetë në “Champions League”. Kryeqytetasit po luftojnë edhe për Skudeton, por puna e drejtorit sportiv shqiptar e detyron që të shoh nga merkato e verës.
Dëshira më e madhe është që të marrë djalin e një legjende, të Gheorghe Hagi, Ianis Hagi. Ky i fundit është dërguar me huazim te Rangersi nga Genk dhe atje po shkëlqen me ndeshjet e zhvilluara deri tani, sidomos në “Europa League”.
Futbollisti 21-vjeçar kushton vetëm 5 milionë euro dhe Tares nuk i shpëtojnë të tilla raste, për t’i blerë, besuar dhe në fund po këta lojtarë, kushtojnë miliona euro. Belgjika është toka e premtuar për këtë drejtor sportiv, pasi ka bërë shumë gjetje në këtë vend ku mund të vecohet Genk. /Sport Ekspres/