Që në moshën 15-vjeçare, Muharrem Hasani është pjesë e sporteve luftarake. Karriera e tij nisi në boks dhe në kikboks, atje ku ka pasur shumë rekorde të cilat janë mbreslënëse. Jo pak, por tre herë kampione bote në kikboks.
Kjo tregon më së miri se për çfarë luftëtari jemi duke folur. 36-vjeçari ka shkëlqyer në këtë rrugëtim dhe premton se do të rindizet sërish, për të marrë vëmendjen e të gjithëve. Muharrem Hasani është gati për një ndeshje të madhe për t’i treguar të gjithë shqiptarëve, por edhe botës, rreth aftësive të tij. /Sport Ekspres/