Kukësi do të luajë nesër kundër Erzenit në shtëpi. Kjo ndeshje do të fillojë në orën 17:00, ndërsa një erë e re fryn në Kukësi pasi ndryshuan pronarët e klubit. Para këtij takimi, verilindorët tregojnë se hyrja në stadium do të jetë falas, ndërsa gjithashtu do të kenë edhe muzikë krahinore.
“Të dashur tifozë,
Nesër është dita e madhe, ku për skuadrën tonë, qytetin tonë dhe futbollin e Kukësit nis një epokë e re! Do të jetë një rrugëtim i gjatë, i vështirë, por së bashku jemi të bindur se do t’ia dalim! Së bashku do të jemi sërish aty ku kemi vendin!
Ditën e nesërme ju mirëpresim të gjithëve në stadium, pasi së bashku mund ta kthejmë në festë! Për këtë, klubi ka vendosur të hapë dyert e stadiumit pa bileta dhe ka organizuar edhe një festë para fillimit të takimit, ku muzika e krahinës sonë, do të jetë shoqëruese për të ndezur atmosferën”, shkruhet në reagim. /Elio Hajdari-Sport Ekspres/